Э.Содномпилжээ Азийн пара наадмын дөрөв дэх алтан медалийг авчирлаа
Пара поуэрлифтингийн эрэгтэйчүүдийн 107 кг-ын жинд Хөдөлмөрийн баатар, гавьяат тамирчин Энхбаярын Содномпилжээ түрүүлж, алтан медаль хүртлээ. Энэ нь Монголын багийн Азийн пара наадмын дөрөв дэх алт боллоо.
Энэ жинд нийт найман тамирчин өрсөлдсөн. Э.Содномпилжээ эхний оролдлогоор 231 кг, хоёр дахь оролдлогоор 236 кг, гурав дахь оролдлогоор 246 кг-ыг өргөсөн. Ираны тамирчин Алиакбар Жарибшахи эхний оролдлогоор 245 кг өргөж, хоёр, гурав дахь оролдлогоор 252 кг захиалсан ч эрүүл мэндийн шалтгаанаар гүйцэтгэж чадсангүй.
Ингэснээр Э.Содномпилжээ алт, Ираны тамирчин мөнгөн медаль хүртсэн бол хүрлийн эзнээр БНХАУ-ын Лиан Жиү тодров.
Монголын шигшээ баг дөрвөн алт, хоёр мөнгө, нэг хүрэл медальтайгаар медалийн чансаагаар 13-т жагсаж байна.
Холбоотой мэдээ
Улаанбаатар хот тийболлын спортыг хөгжүүлэхээр Японтой хамтран ажиллана
Д.Сэлэнгээ Азийн пара наадмын алтан медалийн төлөө харвана
Айчи Нагоя 2026: Л.Туруунаа алтан медалийн төлөө хүч үзнэ
Азийн пара наадмын таеквондод Г.Болор-Эрдэнэ алтан медалийн төлөө өрсөлдөхөөр шалгарлаа
Азийн пара наадмын таеквондод К.Темирбек хүрэл медаль хүртлээ
