Б.Цэнгэл: 4-5 яам өөрийн байргүй, түрээсийн байранд байна

Төрийн өмчийн бодлого зохицуулалтын газрын дарга Б.Цэнгэл 2027 оны 1 дүгээр сар гэхэд үнэтэй түрээсийн оффисоос бүгд гарах ёстой гэсэн мэдэгдэл өгсөн тухайгаа ярьсан.

Тэрээр ЗГХЭГ-ын дарга Б.Энхбаярын нэг байгууллагыг онцолж дурдсан асуудлын талаар тайлбар өгч, Иргэний нисэхийн үндэсний төвд хяналт шалгалт хийсэн ч шалгах зүйл байгаагүй, ажлын хэсгийн хүрээнд судалгаа авсан гэв.

МИАТ болон бусад авиа компаниуд орон нутгийн онгоцны буудал дээр талбай түрээсэлдэг бөгөөд хамгийн багадаа 7500-2500 мянгын хооронд түрээсэлсэн, ийм гэрээ ойролцоогоор 8-9 байсан гэж тэрээр хэллээ.

Өөрөө Сүхбаатарын талбайн ойролцоо Төв шуудангийн эсрэг талд 50 метр.кв байрыг м.кв-ыг нь 113 мянган төгрөгөөр түрээсэлсэн байсан. Үүнийг нь болохгүй гэх мэдэгдэл өгсөн. Тэгээд тэр байрнаасаа гарсан.

Б.Энхбаярын гаргаж тавьж байгаа асуудал нь зөв гэж Б.Цэнгэл үзэж, анхаарал хандуулж байгаагаа илэрхийлэв.

Төрийн байрны хүрэлцээ тааруу байгаа. Өнөөдөр л гэхэд 4-5 яам өөрийн гэсэн байргүй, түрээсийн байранд байгаа.