Шатахууны нөөц: АИ-92 бензин 10 хоног, дизель 28 хоног хүрэлцэнэ
Шатахууны импорт хангамж тасралтгүй үргэлжилж байгаа бөгөөд аравдугаар сарын эхний 21 хоногт 42,334 тонн АИ-92 автобензин импортолсон гэж АҮЭБЯ-ны Газрын тосны бодлогын газрын дарга Ч.Хишигдалай мэдээлэв. Өчигдөр 1,620 тонн АИ-92 автобензин орж ирсэн байна.
Өнөөдрийн байдлаар Улаанбаатар төмөр замын хэмжээнд 57 вагон буюу 3,420 тонн АИ-92 автобензин байгаагаас 55 вагон 3,300 тонныг агуулахуудад буулгаж байна.
Улсын хэмжээнд өчигдрийн байдлаар дараах нөөц бүрдсэн:
- АИ-92 автобензин 21,474 тонн буюу 10 хоног,
- АИ-95 бензин 1,567 тонн буюу 13 хоног,
- Дизель түлш 112,800 тонн буюу 28 хоног,
- Онгоцны түлш 7,400 тонн буюу 36 хоногийн ердийн хэрэглээний үлдэгдэлтэй байна.
Өчигдөр Улаанбаатар хотын 118 ШТС руу 800 тонн АИ-92 автобензин, орон нутгийн 63 ШТС руу 680 тонн АИ-92 автобензин ачилтад гаргасан байна гэж Ч.Хишигдалай хэллээ.
Холбоотой мэдээ
ХААН Банк 172 сая ам.долларын санхүүжилт татлаа
Л.БОЛДБААТАР: “БАЯЛАГ БҮТЭЭГЧДИЙГ ДЭМЖИХ ИНДЭР” НЭВТРҮҮЛГИЙН ШИНЭ ДУГААР
Н.Учрал: Оюутолгойн ногдол ашгийн хоёр их наяваар эрчим хүч, нийгмийн асуудлаа шийдье
Хэнтий, Дундговь, Дорноговийн нутгаар шороон шуурга шуурч, үзэгдэх орчин хязгаарлагдлаа
ХХБ Өвөр Монголын банктай ногоон санхүүжилтийн чиглэлд хамтрана
