Л.Гантөмөр: Оюутолгойн ногдол ашгийг иргэдэд өгөх ёстой

Ардчилсан намын гишүүд Оюутолгойн ногдол ашгийг иргэдэд өгөх ёстой гэсэн байр суурийг илэрхийлж, мэдээлэл хийсэн байна.

Эдийн засаг, хөгжлийн сайд Л.Гантөмөр Засгийн газрын өргөн барьсан төсвийг «тэсрэх бөмбөг шиг» гэж тодорхойлж, энэ нь Монголчуудад халдана гэж үзлээ.

Орлогоороо амьдрах боломж Монголчуудын 70-60 хувьд нь алга болсон. Үнэ өссөн. Сүүлийн долоо хоногийн мэдээгээр лууван, манжингийн үнэ дахиад 15-20 хувиар нэмэгдсэн.

Тэрбээр үнийн дарамтад байгаа иргэдийн төлөө Засгийн газар, УИХ хариуцлага хүлээх ёстой гэдгийг онцлов. Үүний тулд Оюутолгойн 3 их наядын ногдол ашгийг авч, Монголчуудад өгөх шаардлагатай гэж хэлсэн.

Мөн цэцэрлэгийн хүүхдийн хоолны мөнгө 3 мянган төгрөг байгааг дурдаж, энэ мөнгөөр юу ч авч идэх боломжгүй гэдгийг тэмдэглэв. Харин УИХ-ын гишүүд ордонд нэг удаа хоол идэхэд 25 мянган төгрөг зарцуулж байна гэж харьцуулсан.

Ард түмнээ хагас өлсгөлөн байдал руу түлхсэн. Сургуулийн үдийн цай бага ангийн хүүхэд оногдож байна. Бага ангийн хүүхэд олдсон ганц ширхэг боорцгоо дунд ангийн ах эгчтэйгээ хувааж идэж байна. Тиймээс ард иргэдээ мөнгөжүүлэхгүй бол амьдарч чадахгүй нь гэдэг нь тодорхой байна.