Д.Сэлэнгээ Азийн пара наадмын алтан медалийн төлөө харвана

Азийн пара наадмын байт харвааны төрөлд Монголын дөрвөн тамирчин өрсөлдөж байгаа бөгөөд PI2 ангиллын эмэгтэйчүүдийн рекувр харвааны ганцаарчилсан төрөлд Дэмбэрэлийн Сэлэнгээ, Буянжаргалын Оюун-Эрдэнэ нар оролцлоо.

Чансаа тогтоох харваанд Д.Сэлэнгээ 564 оноогоор долдугаарт, Б.Оюун-Эрдэнэ 514 оноогоор 12-т жагссан.

Д.Сэлэнгээ эхний тойрогт Ираны Бабахабиб Мохадесехыг 6:5-аар илүүрхэж, шөвгийн наймд Бхавнагыг 6:2-оор ялж, хагас шигшээд Индонезийн Новера Россыг мөн 6:2-оор буулган авснаар алтан медалийн төлөө БНХАУ-ын Гао Жи Ханьтай энэ сарын 24-нд цэц булаалдахаар боллоо.

Хятадын тамирчин эхний тойрогт Буянжаргалын Оюун-Эрдэнийг ялсан юм.