"The MongolZ" баг 14 сар үргэлжилсэн аваргын цомгүй цувралаа зогсоолоо
Counter Strike-2 тоглоомын хоёрдугаар зэрэглэлийн 1win Private Club-2 тэмцээн Сербийн Белград хотноо дөрвөн өдрийн турш үргэлжилж, өчигдөр аваргаа тодрууллаа.
Аваргын төлөөх тоглолтод Монголын "The MongolZ" баг ОХУ-ын "PARIVISION" багийн эсрэг хүч үзэж, 3:0 онооны харьцаатай ялалт байгууллаа. Ингэснээр тэд 14 сар үргэлжилсэн аваргын цомгүй цувралаа зогсоолоо. Хамгийн сүүлд 2025 оны наймдугаар сард "Esports World Cup 2025" тэмцээнд аваргын цом өргөснөөс хойш ямар нэгэн тэмцээнд түрүүлээгүй байв.
Мөн баг дэлхийн чансаагаа 12 байр урагшлуулж, 23 дугаар байрт бичигдэж эхэлсэн байна. "The MongolZ" баг нэг гаруй жилийн хугацаанд үндсэн бүрэлдэхүүндээ хэд хэдэн томоохон өөрчлөлт оруулсны эцэст хуучин тоглогч nin9 буюу Г.Есүнтөмөрийг өнгөрсөн сард албан ёсоор эгнээндээ нэгтгэсэн. Түүнийг эгнээндээ нэгтгэсэн анхны тэмцээндээ ийнхүү түрүүллээ.
Холбоотой мэдээ
Э.Содномпилжээ Азийн пара наадмын дөрөв дэх алтан медалийг авчирлаа
Улаанбаатар хот тийболлын спортыг хөгжүүлэхээр Японтой хамтран ажиллана
Д.Сэлэнгээ Азийн пара наадмын алтан медалийн төлөө харвана
Айчи Нагоя 2026: Л.Туруунаа алтан медалийн төлөө хүч үзнэ
Азийн пара наадмын таеквондод Г.Болор-Эрдэнэ алтан медалийн төлөө өрсөлдөхөөр шалгарлаа
