Шатахууны шуурхай штаб: ОХУ-ын импорт хэрэглээг бүрэн хангахгүй байна

Шатахууны асуудлаар байгуулагдсан Шуурхай штаб ээлжит хэвлэлийн хурлаа хийж, шатахууны нийлүүлэлт, үнийн нөхцөл байдлын талаар мэдээлэл өглөө.

Аж үйлдвэр, эрдэс баялгийн дэд сайд Б.Мөнхтамир хэлэхдээ: "Өнгөрсөн хугацаанд шатахууны үнэ өссөн ч арваннэгдүүр сарын мэдээлэл нь хараахан ирж амжаагүй байна. Урьдчилсан байдлаар нийт захиалгын тоо өсөх магадлалтай. Үнийн хэмжээ бага зэрэг буурах магадлалтай байгаа."

ОХУ-аас импортолж буй шатахуун Монгол Улсын нэг сарын хэрэглээг бүрэн хангахгүй байгаа тул үлдэгдлийг БНХАУ болон гуравдагч улс орнуудаас худалдан авахаар ажиллаж байна. Мөн БНСУ-ын талаас шатахуун худалдан авах гэрээ байгуулахаар бэлтгэл ажил хийгдэж байгаа бөгөөд эхний ээлжид компаниуд БНХАУ-ын нутгаар дамжуулан хүлээн авахаар төлөвлөсөн.

Энэ сард хийсэн 12,000 тонн АИ92 шатахууны захиалгыг ирэх сарын эхээр хүлээж авах төлөвтэй байна. Цаашид нөхцөл байдлаас шалтгаалан гуравдагч орнуудаас авах шатахууны хэмжээг нэмэгдүүлэхээр хичээж байгаа аж.

Өнгөрсөн амралтын өдрүүдэд ОХУ-ын төмөр замыг завсарлах ажил явагдсан тул шатахууны тээвэрлэлтэд саатал гарч, хомсдол нэмэгдсэн. Мөн зарим нутагт цас их орсонтой холбоотойгоор тээвэрлэлтийн эрчим саарсан байна.

Үүнтэй холбоотойгоор төв магистраль шугамын дагуух шатахуун түгээх станцын ажиллах цагийн хуваарьт өөрчлөлт оруулахаар болж, ээлж солих хугацааг ажил эхлэх болон дуусах цагаар бус 11:00 цагаас хийлгэхээр үүрэг өгчээ.

Мөн хөгжлийн бэрхшээлтэй иргэнд хуульд заасан 43.1.3 дугаар заалтыг хэрэгжүүлэхийг аж ахуйн нэгжүүдэд сануулсан. Б.Мөнхтамир: "Хөгжлийн бэрхшээлтэй иргэний хүний эрхийн тухай хуульд зааснаар хөгжлийн бэрхшээлтэй иргэн болон асран хамгаалагчид нь дараалалгүй олгох асуудлыг цагдаагийн ерөнхий газраас хянана" гэв.