М:1 чиглэлийн автобусны хүлээгдэл ихэссэн тул шуурхай арга хэмжээ авч байна

2026 оны 10 дугаар сарын 27-ны 11:00 цагийн байдлаар нийслэлийн төв замаар зорчдог нийтийн тээврийн "М:1 Таван шар-Офицеруудын ордон" чиглэлийн замд авто машины урсгал эрс нэмэгдэж, хүлээгдлийн хугацаа ихэсч эхэлсэн байна.

Нийтийн Тээврийн Бодлогын Газраас мэдээлснээр, тус чиглэлийн автобусыг заримыг нь богино эргэлтээр явуулах, иргэдэд чирэгдэлгүй, хүлээгдлийн хугацааг богиносгох зорилгоор шуурхай арга хэмжээ авч байгаа аж.

"Нийтийн тээврийн автобус саатаж, хүлээгдэл үүсэхэд шатахуунд дугаарлаж буй жолооч нар машинаа буруу байршуулсан үйлдэл нөлөөлж байгаа тул автобусанд саад болохгүй байхыг хичээгээрэй" хэмээн Нийтийн Тээврийн Бодлогын Газраас мэдээлэв.

Автобус удаан хүлээсэн иргэд, ирсэнд нь чихцэлдэж суух, багтахгүй үлдэх зэргээр хохирч байгаагаа хэлж байна.