П.Мөнхтулга: Төрийн үйл хэрэг гацсанаар иргэд эрүүгийн ялтан болж байна

УИХ-ын гишүүн П.Мөнхтулга Хангайн бүсийн тойргоор ажиллаад ирсэн тухайгаа ярьж, тэндхийн иргэд уул устайгаа шүтэлцээд амьдардаг гэдгийг дурдлаа.

Тэрээр эрүүгийн хуулийн 24.6 заалтыг шүүмжилсэн:

Гэнэт эрүүгийн хуулийн 24.6 гэдэг заалт орж ирээд мод бэлтгэхдээ хоёулаа явсан бол бүлэг хэрэг гэж үздэг болсон. Ингээд насан туршдаа эрүүгийн ялтан болж байна.

Мөн гоожин өгөх асуудал нэг даргын асуудал байдаг ч гоожингийн журам шинэчилж байгаа нэрээр иргэдэд эрхийг нь олгоогүй гэж хэллээ. 2023 онд Хангайн бүсэд зуд болсон үед иргэд гал түлэх модгүй байхад мод авах эрхийг төр өгөөгүй, үүнээс болж маш олон иргэн эрүүгийн ялтан болсон гэв.

Өөрөөр хэлбэл, төрийн үйл хэрэг гацсанаас болоод иргэд эрүүгийн ялтан болж байна гэсэн үг.

Энэ хууль амьдралд нийцэхгүй байна гэж тойргийн маш олон иргэд гомдол саналаа өгсөн тул эрүүгийн хуулийг эргэн харах хэрэгтэй гээд хэлэлцүүлэг хийж байгаа гэдгийг П.Мөнхтулга мэдээлэв.