Ж.Батжаргал: 2027 оны төсөвт урсгал зардлыг 5.9 хувиар бууруулна
МАН-ын бүлгийн дарга Ж.Батжаргалаас 2027 оны төсвийн зохицуулалтын талаар тодруулахад, цалин, хүүхдийн мөнгө, тэтгэвэр зэрэг хөдөлгөж болохгүй зардлыг хөндөөгүй гэлээ.
Харин урсгал зардлаас 5.9 хувийн бууралт өгч байгаа бөгөөд томилолт, гадаадын зочид авах зардал ч багтжээ. Бусад зардлыг 2026 оны түвшинд аваачсан.
2026 оны төсөвт өөрчлөлт хийхдээ хөгжлийн бэрхшээлтэй иргэдийн халамж тэтгэмжийг нэмэгдүүлсэн. 2027 оны төсөв дээр 100 гаруй тэрбум төгрөгийн нөлөөлөл орж ирж байгаа.
Хуулиар чиг үүрэг хүлээсэн, гэмт хэргээс урьдчилан сэргийлэх арга хэмжээнд чиглэсэн, олон нийтэд мэдээлэл хүргэдэг зардлыг бууруулахгүй гэдгийг тэрээр онцлов.
Түүнчлэн боловсролын салбарт гэрт ойр сургууль байгуулах асуудал яригдаж байгаа, дипломат төлөөлөгчийн газруудын түрээстэй холбоотой асуудлыг хөндөөгүй, бусад түрээсийг 2026 оны түвшинд аваачсан гэдгийг дурдав.
Холбоотой мэдээ
П.Мөнхтулга: Төрийн үйл хэрэг гацсанаар иргэд эрүүгийн ялтан болж байна
Н.Учрал түймрийн ажлын хэсэгтэй уулзаж, албан тушаалтнуудад хариуцлага тооцуулах үүрэг өглөө
Улаанбаатар, Хөх хот ногоон хөгжил зэрэг салбарт хамтран ажиллана
Н.Наранбаатар: Төсөв 43.6 их наядаас 41.6 их наяд болж буурч байна
З.Мэндсайхан: 10 аймгийн дулааны цахилгаан станцын асуудлыг Эрчим хүчний яам шийднэ
