Онтрэтэй хэлэлцээг ХЗДХ-ийн сайд ахална, нөгөө талаас бичгээр байр суурь хүсчээ

Онтрэтэй холбоотой гэрээ хэлэлцээг ахлах үүргийг Засгийн газраас ХЗДХ-ийн сайдад өгсөн. Тус стратегийн орд газар дээр төрийн эзэмшлийн хувь хэмжээг тогтоож, ард түмэнд нийт баялгийн дийлэнх үр өгөөжийг хуваарилах чиг үүргийн хүрээнд ажлын хэсэг ажиллаж байгааг ХЗДХ-ийн сайд Г.Тэмүүлэн онцлов.

Нөгөө талд яриа хэлэлцээ хийх урилгыг явуулсан бөгөөд ордыг хэрхэн ашиглах, ямар байр суурьтай байгаа талаар албан ёсны байр сууриа бичгээр ирүүлж, хэлэлцээ хийх итгэмжлэгдсэн төлөөлөгчөө шуурхай явуулах албан хүсэлтийг тавьсан гэв. Талууд санал солилцож байгаа бөгөөд хэлэлцээ ойрын хугацаанд эхэлнэ гэж сайд итгэж байгаагаа илэрхийлэв.

Ажлын хэсэг Үндсэн хуулийн 6.2-т заасан суурь зарчмыг баримталж ажиллана гэдгийг Г.Тэмүүлэн дахин онцлов.