Увс аймагт сураггүй болсон 26 настай эмэгтэйг эрэн хайж байна

Увс аймгийн Тариалан сумын Бургастай багийн “Маш” гэдэг газар 26 настай эмэгтэй А нь 10-р сарын 15-ны өдрийн 07:00 цагийн орчим малаа хайж яваад сураггүй болжээ. Тус газрын байршил нь аймгийн төвөөс зүүн урд зүгт 45 км, сумын төвөөс баруун хойд зүгт 50 км-т оршдог.

Онцгой байдлын байгууллага тухайн өдрийн 16:50 цагт дуудлагыг хүлээн авсан байна.

Тус аймгийн Онцгой байдлын газрын Эрэн хайх, аврах салбарын алба хаагчид, Цагдаагийн хэлтэс, сумын Мэргэжлийн ангийн ажилтнууд, ар гэрийнхэн иргэн А /26 настай, эмэгтэй/-г эрэн хайх ажиллагааг зохион байгуулан ажиллаж байна.

Эрэн хайх ажиллагаа 11 дэх өдрөө үргэлжилж байна.