Нөмрөгийн ДЦГ-ын 79.8 хувь түймэрт өртөж, 2023 оны хохирол 3.6 тэрбум төгрөгт хүрч байжээ

Дорнод аймгийн Халхгол сумын Цогтсүмбэр багийн "Бичигтийн өндрүүд" болон Нөмрөгийн дархан цаазат газарт гарсан галын улмаас нийт 528.8 мянган га талбай шатсан гэж Цаг уур, орчны шинжилгээний газрын ой хээрийн түймрийн ажиглалтын мэдээнд дурджээ.

Нөмрөгийн ДЦГ-ын нутаг дэвсгэрийн 469.0 мянган га буюу 79.8 хувь нь түймэрт өртсөн бол 2026 онд 76 хувь нь өртөж байжээ. Мэргэжлийн байгууллагууд 30 хоногийн дотор хохирлын үнэлгээг гаргахаар ажиллаж байна.

2023 онд Нөмрөгийн Дархан цаазат газарт гарсан их хэмжээний галын үед нийт 587.7 га газраас 76 хувь нь буюу 447.0 мянган га орчим талбай шатаж, 3.6 тэрбум төгрөгийн хохирол учирч байжээ. Тухайн үеийн хохирлын задаргаа:

• Бэлчээрт 3 тэрбум 463 сая 803 мянган төгрөг
• Амьтанд 128 сая 248 мянган төгрөг (40 цагаан зээр, 1 Дорнын молцог хандгай, 3 халиун буга, 5 бор туулай, 1 зэрлэг нугас, 1 тас, 1 дагуур зараа шатаж байжээ)
• Байр, сууц, автомашины гэмтэл, тэмдэг тэмдэглэгээний хохирол 7 сая 950 мянган төгрөг
• Шатах тослох материал, томилолт болон бусад зардалд 7 сая 517 мянга 100 төгрөг

Нөмрөгийн ДЦГ-ын хилээс гадна 59.8 мянган га талбай түймэрт өртсөн.

Хохирол амссан бүс нутаг аль болох хурдан нөхөн сэргэхийг чин сэтгэлээсээ хүсэхийн зэрэгцээ үүний төлөөх арга замыг "Мобиком Корпорац" ХХК-ийн хамт идэвхтэй эрэлхийлэх болно гэдгийг Япон Улсын Элчин Сайдын Яамнаас мэдэгдээд буй.