У.Отгонбаяр: Нөмрөгийн түймэр буух эзэнтэй, буцах хаягтай

Нөмрөгийн дархан цаазат газрын түймрийн асуудлаар УИХ-ын гишүүн У.Отгонбаяр байр сууриа илэрхийлсэн байна.

Тэрбээр Байгаль орчны сайдын өгсөн мэдээллээр газар дээр нь хүмүүс ажиллаж байгаа гэдгийг дурдлаа. Нөмрөгийн дархан цаазат газрын түймрийн асуудал буух эзэнтэй, буцах хаягтай учраас учир нь олдоно гэж тэрээр хэлсэн.

Тухайн газарт дархан цаазат газрын захиргаанаас зөвшөөрөл өгсөн ч холбогдох бусад байгууллагаас зөвшөөрөл аваагүй байсан гэдгийг сайд хэлснийг У.Отгонбаяр онцлов.

Хариуцлага алдсан хүмүүст хариуцлага тооцох байх гэж тэрээр үзэж байна. Тэрбээр «Би гал гарсан үед тухайн газарт байгаагүй. Мобикомын арга хэмжээнд оролцсон ч буцаж аймагтаа ирээд ажлаа хийсэн. Түүнээс биш хэн нэгнийг дагуулж явсан, хамт явсан зүйл байхгүй» гэж мэдэгдлээ. Ажлын хэсгийн шалгалтаар бүх зүйл тодорхой болно гэж тэрээр нэмж хэлсэн.