Я.Содбаатар: Нам дотор талцал, хуваагдал байх ёсгүй

МАН-ын Ерөнхий нарийн бичгийн дарга Я.Содбаатар намын бүлгийн хагарал, талцлын асуудлаар тодруулга хийсэн байна.

Тэрээр намын бүлэг дээр 30/38 гэсэн тоо байхгүй гэж мэдэгдэж, ажлаа өгсөндөө гомдсон болон хоёр улс төрчийн харилцаатай холбоотой 10 гаруй хүн байгааг дурдав. Эдгээр хүмүүстэй намын зүгээс уулзаж, ойлголцох чиглэлээр ажиллаж байгааг тэрээр хэлсэн.

Жишээ нь Л.Энх-Амгалан, А.Ариунзаяа, Д.Саранчулуун нар бие биедээ хэвлэлийн хурал хийгээд байгаа. Энэ асуудлаар өчигдөр хяналтын хороон дээр дуудаж тайлбар авсан.

Холбогдох дүрэм журмаараа л явах ёстой гэж Я.Содбаатар онцлов. МАН 31-р их хурлаа өнгөрсөн онд хийсэн бөгөөд үүний өмнө намын дотор талцах, хуваагдах асуудал үүссэн. 300 мянган намын гишүүд хуралдаж, дотроосоо 200 гаруй хүнээ сонгон намынхаа шинэ даргыг сонгосон. Үүнээс хойш нам дотор талцал, хуваагдал байх ёсгүй гэдгийг хатуу хэлж байгааг тэрээр мэдэгдэв.