Үндэсний Аудитын Газар COP17-ын зарцуулалтад аудит эхлүүллээ
Монгол Улсад зохион байгуулсан НҮБ-ын Цөлжилттэй тэмцэх конвенцын оролцогч талуудын 17 дугаар бага хурал (COP17)-ын санхүүжилтийн зарцуулалт, үр дүнд санхүү, нийцлийн аудит эхэллээ.
Аудитын нээлт өнөөдөр буюу есдүгээр сарын 8-ны өдөр болж, Тусгай чиг үүргийн аудитын газрын захирал, Тэргүүлэх аудитор Д.Баярсайхан шалгагдагч байгууллагуудын төлөөлөлд аудитын зорилго, хамрах хүрээ, төлөвлөгөөг танилцуулсан.
Аудитаар COP17-г зохион байгуулахад зарцуулсан хөрөнгийн эх үүсвэр, төсөвт тусгасан байдал, зарцуулалт хууль тогтоомжид нийцсэн эсэх, үр дүнг үнэлэх юм. Шалгалтад Үндэсний хороо, Сангийн яам, Байгаль орчин, уур амьсгалын өөрчлөлтийн яам, Соёл, спорт, аялал жуулчлал, залуучуудын яам, Гадаад харилцааны яам зэрэг байгууллагууд хамрагдах аж.
Аудитын хүрээнд 2023-2026 онд гаргасан шийдвэр, тайлан, санхүүгийн баримт, худалдан авах ажиллагааны гэрээ зэргийг шалгаж, хууль тогтоомжийн хэрэгжилтэд үнэлэлт өгнө.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
