Улаанбаатарт анх удаа шөнийн марафон зохион байгуулна

Улаанбаатар хотод анх удаа шөнийн марафон зохион байгуулахаар болж, оролцох иргэдийн бүртгэлийг эхлүүлжээ. Энэхүү арга хэмжээ есдүгээр сарын 26-ны Бямба гарагт нар жаргасны дараа буюу 20:00-00:00 цагийн хооронд явагдахаар төлөвлөгдсөн байна.

Марафонд 5км, 10км, 21км зайн төрлүүд багтах бөгөөд 16 ба түүнээс дээш насны иргэд оролцох боломжтой. Бүртгэлийн хураамж нь 29,000-100,000 төгрөгийн хооронд байна.

Арга хэмжээний үеэр авто замын гүйлт, амьд тоглолт, хотын гэрэл, шөнийн уур амьсгал, хөгжим, DJ үзүүлбэр, соёл, урлагийн тоглолтуудыг зохион байгуулахаар төлөвлөжээ. Тус марафоны ерөнхий зохион байгуулагчаар Нийслэлийн Засаг Даргын Тамгын Газар ажиллах юм.