Улаанбаатарт 2,021 айл цахилгаангүй, 580 өрх хүчдэлийн уналттай байна

Нийслэлийн хэмжээнд 2,021 айл цахилгаан эрчим хүчинд холбогдоогүй, 580 өрх хүчдэлийн уналттай байгаа асуудлыг байршлаар нь тодорхойлж эхэлжээ.

Баянзүрх дүүргийн нутаг дэвсгэрт 12 хорооны 737 айл өрх цахилгаангүй, найман хорооны 360 өрх хүчдэлийн уналттай байна.

Зураг төсөвтэй болон ажил нь эхлээд явж байгаа 11, 20, 33 дугаар хорооны 1,284 айл өрх цахилгаангүй, 20, 33 дугаар хорооны 220 айл өрх хүчдэлийн уналттай байна.

Нийт 2,601 айл өрхийг цахилгаан, эрчим хүчээр хангах ажлын мэдээллийг төсөвт тусгах саналыг холбогдох байгууллагуудад хүргүүлжээ.

Энэ онд гэр хорооллын гэрэл цахилгаангүй болон хүчдэлийн уналттай айл өрхийг цахилгаан эрчим хүчээр хангах ажилд нийслэлийн төсвөөс ₮10 тэрбумыг зарцуулахаар баталсан байна.