УИХ-ын намрын чуулганы нэгдсэн хуралдаан 70 гишүүний ирцтэй эхэллээ

УИХ-ын намрын ээлжит чуулганы нэгдсэн хуралдаан Төрийн ордонд эхэллээ. Хуралдаанд 70 гишүүн оролцсон нь нийт гишүүний 55.6 хувь болж байна.

Өнөөдрийн хуралдаанаар 2027 оны төсвийн тухай хуулийн төсөл, 2026 оны төсвийн тодотголыг хэлэлцэхээр төлөвлөсөн.

Хуралдааны эхэнд Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэж байна.

Засгийн газраас өргөн мэдүүлсэн дунд хугацааны төсвийн хүрээний мэдэгдэлд эдийн засгийн үндсэн үзүүлэлтүүдийг дараах байдлаар тусгажээ.

Төсвийн хүрээний мэдэгдэл, төсөөллийн үндсэн үзүүлэлтүүд

• Дотоодын нийт бүтээгдэхүүний бодит өсөлт: 2026 онд 5.7 хувь, 2027 онд 5.8 хувь, 2028 онд 6.0 хувь.
• Хэрэглээний үнийн өсөлтийн түвшин: 2026 онд 8.0 хувь, 2027 онд 7.0 хувь, 2028 онд 6.0 хувь.
• Нэгдсэн төсвийн тэнцвэржүүлсэн орлогын доод хэмжээ: 2026 онд 31,930.0 тэрбум төгрөг (ДНБ-д эзлэх хувь 31.2), 2027 онд 34,780.0 тэрбум төгрөг (30.4 хувь), 2028 онд 37,371.8 тэрбум төгрөг (29.4 хувь).
• Нэгдсэн төсвийн нийт зарлагын дээд хэмжээ: 2026 онд 33,978.0 тэрбум төгрөг (33.2 хувь), 2027 онд 36,493.4 тэрбум төгрөг (31.9 хувь), 2028 онд 38,644.0 тэрбум төгрөг (30.4 хувь).
• Нэгдсэн төсвийн тэнцвэржүүлсэн тэнцэл: 2026 онд -2,048.0 тэрбум төгрөг (-2.0 хувь), 2027 онд -1,713.4 тэрбум төгрөг (-1.5 хувь), 2028 онд -1,272.2 тэрбум төгрөг (-1.0 хувь).
• Нэгдсэн төсвийн нийт зарлагын өсөлт: 2026 онд 2,647.0 тэрбум төгрөг (2.6 хувь), 2027 онд 2,515.4 тэрбум төгрөг (2.2 хувь), 2028 онд 2,150.6 тэрбум төгрөг (1.7 хувь).
• Нэгдсэн төсвийн хөрөнгийн зардал: 2026 онд 8,414.4 тэрбум төгрөг (8.2 хувь), 2027 онд 8,962.6 тэрбум төгрөг (7.8 хувь), 2028 онд 9,032.6 тэрбум төгрөг (7.1 хувь).
• Засгийн газрын өрийн нийт хэмжээ: 2026 онд 51,200.0 тэрбум төгрөг, 2027 онд 57,114.9 тэрбум төгрөг, 2028 онд 63,610.1 тэрбум төгрөг. ДНБ-д эзлэх хувь гурван жилд 50.0 байна.
• Нийгмийн халамжийн тухай хуульд заасны дагуу төсвөөс хуваарилах зардлын дээд хэмжээ: 2026 онд 2,664.3 тэрбум төгрөг (2.6 хувь), 2027 онд 2,823.0 тэрбум төгрөг (2.5 хувь), 2028 онд 2,998.2 тэрбум төгрөг (2.4 хувь).