УИХ-ын гишүүн Л.Гантөмөр Оюу толгойн ногдол ашгийг иргэдэд бэлнээр тараахыг санал болголоо

УИХ-ын гишүүн Л.Гантөмөр өнөөдөр Төрийн ордонд сэтгүүлчдэд мэдээлэл өгөхдөө Оюу толгойн ногдол ашгийг иргэдэд бэлнээр тараах саналаа тайлбарласан байна.

Тэрбээр "Оюу толгой" компаниас ирэх онд Монгол Улс ногдол ашиг авахаар тохиролцсон ч компани албан ёсоор баталгаажуулаагүй гэдгийг дурдсан. Засгийн газар гурван их наяд төгрөгийн ногдол ашиг авч, эрчим хүчний төсөл хөтөлбөрт хэрэгжүүлэхээр төлөвлөж байгаа бол зарим нам, эвслийн гишүүд ногдол ашгийг иргэдэд бэлнээр тараах ёстой гэсэн байр суурь илэрхийлж байна.

Л.Гантөмөр татвар, торгуулийн ачааллын талаар жишээ татаж, орон нутагт цагдаа нар машиныг "буудаад" торгодог болсон гэж хэлсэн. Тэрбээр үүнийг төсвийн үрэлгэн байдлын илрэл гэж үзэж, эдийн засгийн идэвхжил буурч, гадаад ажилтнуудыг авдаг болсон гэдгийг онцолсон.

Тэрбээр УИХ-ын тогтоол санаачилж, "Оюу толгой", Эрдэнэт үйлдвэрийн хувьцааг ард түмэндээ өгөх ёстой гэж мэдэгдсэн. Мөн компаниудын ТУЗ-д ард түмэн хүнээ сонгож оруулах саналыг дэвшүүлсэн.

Ногдол ашгийн 51 хувь нь Хуримтлалын санд орж, 49 хувийг иргэдэд бэлнээр олгоно. "Эрдэнэс Тавантолгой"-н ногдол ашиг яаж иргэдэд очдог вэ, ялгаагүй л байх ёстой.

Тэрбээр 540,000 хүн банк, банк бус зээлтэй байгаа бөгөөд энэ нь тэдний амьдралыг хүндрүүлж байгааг тэмдэглэсэн. Мөн хөгшин хүмүүс үхэр худалдаж авах мөнгөгүй болсон тул ногдол ашгаас 800 мянган төгрөг хүртэх нь дотоодын эргэлтийг дэмжинэ гэж үзсэн.

Тэрбээр "Оюу толгой"-н 34 хувийг иргэддээ өгөхгүй бол дарга нарын гоёл болж, ард түмэн ядуурна гэж анхааруулсан.