УИХ «Нээлттэй парламент» платформын шинэчлэлийг танилцууллаа

Улсын Их Хурлын дарга С.Бямбацогт «Нээлттэй парламент» цахим платформын шинэчлэлийг танилцууллаа.

Тэрээр иргэд өмнө нь төрийн ордонд орж, гишүүдтэй уулзахад хүнд сурталтай тулгардаг байсныг дурдаад, одоо ордны хажуу талын парламентын нээлттэй танхимд чөлөөтэй уулзах боломжтой болсныг хэлэв.

«Өмнө нь иргэд төрийн ордонд орж, гишүүдтэй уулзах гэж маш их хүнд сурталтай тулгардаг байсан. Одоо ордны хажуу талын парламентын нээлттэй танхимд чөлөөтэй уулзах боломжтой болж байна. Мөн И-Монголиа системд “УИХ таныг сонсож байна” цэс байрлуулснаар иргэдээс санал, шийдлийг авч байгаа. 700 гаруй санал дотор хамгийн олон давтагдсан нь зээлийн хар жагсаалтай тухай байсан. Үүнтэй холбоотой ажлуудыг хэрэгжүүлж байгаа бөгөөд удахгүй сайн мэдээ дуулгана» гэж С.Бямбацогт хэлэв.

Цахим хуудсанд УИХ-ын гишүүдийн мэдээлэл, ирц, санал хураалтанд оролцсон байдал, хөрөнгө орлогын мэдүүлэг зэргийг нээлттэй байршуулсан бөгөөд УИХ-ын чуулган, байнгын хороо, ажлын хэсгүүдийн хуралдааны товуудыг байрлуулжээ.

• Цаашид Хуулийн хэлэлцүүлгийн бүх үе шатыг хянах
• Асуулгад оролцох боломжтой

Монгол Улсын Их Хурлын цахим хуудас: parliament.mn