УИХ 43 их наядын зардалтай 2027 оны төсвийн төслийг хэлэлцэж эхэллээ

УИХ-ын намрын ээлжит чуулганы үдээс хойших хуралдаанаар 2027 оны төсвийн төслийг хэлэлцэж эхэллээ.

Төслийн дагуу 2027 оны нэгдсэн төсвийн тэнцвэржүүлсэн орлого 40.7 их наяд төгрөг буюу ДНБ-ий 35.3 хувь, нийт зарлага 43 их наяд төгрөг буюу 37.3 хувь, тэнцвэржүүлсэн тэнцлийн алдагдал 2.3 их наяд төгрөг буюу ДНБ-ий 2.0 хувь байхаар төлөвлөсөн.

2.3 их наяд төгрөгийн алдагдлыг Засгийн газрын гадаад хөнгөлөлттэй зээлийн эх үүсвэр болон дотоод үнэт цаасны эх үүсвэрээр бүрэн санхүүжүүлнэ.

Төсвийн орлого 6.5 их наяд төгрөгөөр нэмэгдэж байгаагийн 3.5 их наяд төгрөг нь төрийн өмчит компаниудын ногдол ашгаас, 3 их наяд төгрөг нь Оюутолгой компанийн ногдол ашгаас орж ирэх аж. Энэ мөнгөний 2.9 их наяд төгрөгөөр тэтгэвэр тэтгэмж нэмэгдүүлэхэд, 2.6 их наяд төгрөгөөр төрийн албан хаагчдын цалин хөлсийг нэмэгдүүлэхэд зарцуулахаар тооцжээ.