УБТЗ Эрээн өртөөнөөс коксожсон хөх нүүрс тээвэрлэж эхэллээ
Улаанбаатар хотын агаарын бохирдлыг бууруулах зорилгоор өнгөрсөн жил БНХАУ-аас коксожсон хөх нүүрс импортолж, айл өрхүүдийн дулааны хэрэгцээг хангаснаар нийслэлийн агаарын бохирдол 50 гаруй хувиар буурсан гэж дүгнэжээ.
Энэ жил мөн БНХАУ-аас 280 мянган тонн коксожсон хөх нүүрс импортоор авах юм. Өнгөрсөн жил тээвэрлэлтийг хариуцаж байсан "Улаанбаатар төмөр зам" ХНН 2026 оны 10 дугаар сарын 10-ны өдрөөс эхлэн Эрээн өртөөнөөс коксожсон хөх нүүрсийг хүлээн авч тээвэрлэж эхэлсэн байна.
Сүүлийн 2 хоногт Эрээн өртөөнөөс 2 галт тэрэг, буюу 100 вагонд 4,460 тонн хөх нүүрс хүлээн авч тээвэрлэжээ. Коксожсон хөх нүүрсний тээвэрлэлтэд одоогоор 9 цуваа оролцож байна.
Цаашид Эрээн өртөөнөөс 275,539 тонн хөх нүүрсийг хүлээн авч тээвэрлэх бэлтгэл ажлыг "Улаанбаатар төмөр зам" ХНН хангаж байгаа аж.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
