Цэрэг татлага нийслэлд аравдугаар сарын 16-18-нд болно

2026 оны хоёрдугаар ээлжийн цэрэг татлага нийслэлийн хэмжээнд аравдугаар сарын 16, 17, 18-ны өдрүүдэд явагдана. Гурван өдрийн турш үргэлжлэх энэхүү арга хэмжээний үеэр залуус найман төрлийн шинжилгээ өгч, эрүүл мэндийн үзлэгт хамрагдана.

Дүүрэг тус бүрийн цэрэг татлагын байр

• Баянгол дүүрэг - 96-р сургууль
• Баянзүрх дүүрэг - 14-р сургууль
• Сүхбаатар дүүрэг - 3-р сургууль
• Сонгинохайрхан дүүрэг - 83-р сургууль
• Чингэлтэй дүүрэг - 23-р сургууль
• Хан-Уул дүүрэг - 34-р сургууль
• Налайх дүүрэг - «Эрдмийн оргил» сургууль
• Багануур дүүрэг - Хүний хөгжлийн ордон
• Багахангай дүүрэг - 91-р сургууль

Авч очих бичиг баримт

• Иргэний үнэмлэх
• Цэргийн үүрэгтний үнэмлэх
• Мэргэжил эзэмшсэн бол мэргэжлийн үнэмлэх
• 3х4 хэмжээтэй цээж зураг

Цэрэг татлагын байранд тогтоосон хугацаанд дээрх баримт бичгүүдийг авч очих үүрэгтэй. Цэргийн албаны хугацаа нэг жил байна.