Цагаан будааны импорт 34.6 хувь буурч, элсэн чихрийнх 17.8 хувь өслөө
Энэ оны эхний найман сард Монгол Улс 8.4 тэрбум ам.долларын бараа бүтээгдэхүүн импортолжээ. Энэ нь өмнөх оны мөн үеэс 13.7 хувиар өссөн үзүүлэлт юм.
Импортын бүтцэд нефтийн бүтээгдэхүүн тэргүүлж, нийт импортын 22.1 хувийг эзэлсэн байна. Суудлын автомашины импорт 711.9 сая ам.доллар, ачааны автомашины импорт 309.1 сая ам.долларт хүрчээ.
Тайлант хугацаанд хүнсний барааны импортод өөрчлөлт гарчээ. Улаанбуудайн импорт 133 мянган тонн болж өмнөх оны мөн үеэс 13.8 дахин нэмэгдсэн бол цагаан будааны импорт 24.6 мянган тонн болж 34.6 хувиар буурсан байна.
Мөн хүнсний ногооны импорт 10.1 хувь, элсэн чихрийн импорт 17.8 хувь, жимс, самар импорт 38.2 хувь, тахиа, гахайн мах, өөхний импорт 29.4 хувиар тус тус өссөн гэж Гаалийн Ерөнхий Газраас мэдээлэв.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
