Ц.Даваасүрэн: Хятадаас эрчим хүчний хараат байдал үүсгэх гэж байна

УИХ-ын гишүүн Ц.Даваасүрэн ирэх оны төсвийн хүрээнд эрчим хүчний салбарт орох татаасын асуудлыг хөндөж байна. Түүний хэлснээр, урьд нь зөвхөн ОХУ-аас оройн оргил ачааллын үед эрчим хүч худалдаж авдаг байсан бөгөөд жилд 20-30 тэрбум төгрөг төлдөг байжээ.

Ирэх оны төсөв дээр Хятад Улсад төлөх эрчим хүчний алдагдлын татаас 51.4 тэрбум. ОХУ-ынх 30 тэрбум. Ингээд 1 орноос хараат байсан бол одоо 2 дахь орноосоо эрчим хүчний хараат болж байна.

Мөн тэрбээр Оюутолгойг эрчим хүчээр хангахын тулд Мандалговь хүртэл 300 кв-ын шугам, цаашлаад Оюутолгой хүртэл 220 кв-ын шугам татсан ч энэ шугамаар Хятадаас эрчим хүч авахаар төлөвлөж байгааг дурдлаа.

Эрчим хүчний яамнаас 500 мегаваттын нар, салхины станц барих тендер зарлаад байгаа ч уг станц ашиглалтад орвол нар жаргах, салхи зогсох үед үүссэн хүчин чадлыг зохицуулах боломжгүй тул Хятадын системтэй холбогдох шаардлага үүснэ гэдгийг тэрээр онцолсон.