Тендерийн хуулийн шинэчилсэн найруулгыг Хүн намаас танилцуулав

Хүн намын зөвлөл тендерийн тухай хуулийн шинэчилсэн найруулгын талаар мэдээлэл өглөө.

Шадар сайд Т.Доржханд тендерийн хоёр удаагийн зарлалын нэг нь үр дүнгүй болдгийг онцлоод, энэ асуудлыг төрийн байгууллага биш хууль хяналтын байгууллагаар шийдвэрлүүлж байгааг хэллээ.

2028 он гэхэд тендерийн авлига гэж байхгүй болгох зорилготой байна.

Тэрбээр хүн оролцохгүй байснаар авлига, хээл хахууль буурах тул технологи ашиглаж, цахим дэлгүүрт олон барааг оруулахаар ажиллаж байгааг дурдав. Иргэд засгийн газрыг тендер хийж байна гэж боддог, 10.5 орчим их наядын тендерийн худалдан авалтын 8 их наядыг төрийн өмчит компани хийдэг гэсэн мэдээллийг өгөв.

Хүн намын зүгээс тендерийн үнэлгээг 100 хувь хиймэл оюунаар хийлгэх чиглэлийг барьж ажиллаж байна. Яамд тендер хийхийг зогсоож, хууль хяналтын байгууллагаас бичиг авч, төрийн нууцад хамааруулж нууцлахыг хязгаарлана.

Хуулийн шинэчилсэн найруулгын онцлох заалтууд:

• Аль болох олон компани өрсөлдөх боломжтой болох бөгөөд татвар, нийгмийн даатгалын өртэй ч тендерт оролцох боломжтой болно.
• Өрсөлдөөнийг зөвхөн дотоодын компаниудын хооронд өрнүүлж, Монгол Улсад үйлдвэрлэсэн бараа, бүтээгдэхүүнд давуу эрх олгоно.
• 10 тэрбумаас доош тендерийн худалдан авалтад банкны баталгаа шаардахгүй болно.