Тамхины тухай хуулийн төслийг эцэслэн батлах шатанд хүрлээ
Тамхины тухай хуулийн төсөл өргөн баригдсанаас хойш 13-14 дэх сардаа орж байгаа бөгөөд хаврын чуулганаар хэлэлцүүлэг явагдаж, эцэслэн батлах шат үлдсэн байна. УИХ-ын гишүүн О.Номинчимэг энэ тухай мэдэгдлээ.
Тус хуулийн төслийг анх 78 гишүүн өргөн барьж, сайжруулах ажлыг ажлын хэсэг гүйцэтгэсэн. Намрын чуулган эхлэхээр санал хураалт явах хүлээлт байсан ч төсөв, төсвийн тодотгол хэлэлцэгдсэнээр санал хураалт хойшилсон байна. УИХ-ын дарга төсвийн хоёрдугаар хэлэлцүүлгийн дараа санал хураалт явуулах байр сууриа илэрхийлж, өнөөдөр санал хураалтаа хийсэн. Маргааш эцэслэн батлах хуулиуд дээр санал хураана гэж тэрээр хэллээ.
Хууль батлагдсанаар шинэ төрлийн тамхинд хуулийн зохицуулалтад орно. Дотор орчинд татахгүй, тусгай зөвшөөрөлтэй болно. Мөн татвар төлнө. Хүүхэд, залуус руу чиглэсэн маркетингийн сурталчилгаа хориглогдоно. Үнэр амт мөн хориглогдож байгаа.
Бүх төрлийн тамхин бүтээгдэхүүний онцгой албан татварыг нэмж байгаа нь тамхидалтыг бууруулах хамгийн үр нөлөөтэй бодлого гэж О.Номинчимэг үзэж байна.
Ингэснээр тамхидалт 2030 он гэхэд 14 хувиар буурахаар байгаа.
Холбоотой мэдээ
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Замын хөдөлгөөний дүрэмд өөрчлөлт орж, скүүтер, мопедийг зөвхөн машин замаар явуулна
АН: Оюу толгойн ногдол ашгийг төсөл хөтөлбөрт зарцуулах нь буруу
М.Нарантуяа: Ногдол ашгийг иргэдэд олгох нэг удаагийн хуулийг яаралтай батлах хэрэгтэй
Интерполын эрх ямба, дархан эрхийн хэлэлцээрт гарын үсэг зурах эрхийг Засгийн газарт олгохыг дэмжив
