Тамхины хяналтын тухай хууль 2027 оноос хэрэгжиж эхэлнэ
УИХ-ын гишүүн О.Номинчимэг Тамхины хяналтын тухай хуульд нэмэлт өөрчлөлт оруулах хуулийн төслийг эцэслэн баталсны дараа байр сууриа илэрхийлэв. Хууль 2027 оны нэгдүгээр сарын 1-нээс хэрэгжиж эхэлнэ.
Өнөөдөр 13 жилийн турш шинэчлэгдэж чадаагүй байсан Тамхины хяналтын тухай хуульд ахиц гаргаж, ирээдүй хойч үеийнхээ эрүүл мэндийг хамгаалах чиглэлд чухал алхам хийлээ. Хуулийг батлахад саналаа өгсөн нийт гишүүддээ баярлалаа. Энэ хууль 2027 оны нэгдүгээр сарын 1-нээс хэрэгжиж эхэлнэ.
Тэрбээр төслийг анх өргөн барихдаа ирээдүй хойч үеийнхээ эрүүл мэндийг хамгаалах зорилго тавьснаа дурдав. Хэлэлцүүлгийн явцад нэлээд ширүүн мэтгэлцээн өрнөж, олон талын байр суурь, ашиг сонирхлын зөрүүтэй асуудлууд яригдсан. «Энэ утгаараа хуулийг олон талаас нь хэлэлцэж, мэтгэлцэж болдгийг харуулсан хууль боллоо» гэж О.Номинчимэг хэлэв.
Гэхдээ хуулийг батлах нэг ажил, баталсан хуулиа бодитоор хэрэгжүүлж, үр дүнг нь гаргах нь дараагийн ажил гэдгийг тэр онцлов. Иймд хэрэгжилтийг хангаж, тамхидалтыг 13 хувиар бууруулах зорьсон үр дүнд хүрэхийн төлөө ажиллана. Мөн цахилгаан тамхи болон янжуур тамхинд адилхан татвар ногдуулна.
Холбоотой мэдээ
ЭРТ ИЛРҮҮЛЭХ ҮЗЛЭГТ 54,212 СУРАЛЦАГЧ БҮРЭН ХАМРАГДААД БАЙНА
Хүүхдийн эрт илрүүлгийн явц, өвчлөлийн талаар хэвлэлийн бага хурал зарлалаа
Угаарын хий амтгүй, үнэргүй тул яндангийн сойлтыг хаахгүй байхыг анхааруулав
Хөлөнбуйрт тахлын шинж тэмдэг илэрснийг Н.Номтойбаяр мэдээлэв
Монгол эмч Д.Мөнхжавхлан Ази, Номхон далайн диализын хурлын шилдэг илтгэлээр тэргүүллээ
