Шөнийн марафоны бүртгэл есдүгээр сарын 20-нд хаагдана

"Night Marathon Ulaanbaatar 2026" олон улсын шөнийн гүйлтийн фестивалийг НЗДТГ зохион байгуулна. Арга хэмжээ 2026 оны есдүгээр сарын 26-нд Сүхбаатарын талбайгаас эхэлнэ.

Зай болон бүртгэл

Оролцогчид 5, 10, 21 километрийн зайнаас сонгон оролцоно. Бүх зайд Timing Chip бүхий дугаар ашиглаж, албан ёсны гүйлтийн хугацааг бүртгэнэ.

Бүртгэлийг nightmarathon.mn цахим хаягаар хүлээн авч байгаа бөгөөд есдүгээр сарын 20-нд дуусна. Энгэрийн дугаар болон мерчийг есдүгээр сарын 23-24-нд тараахаар төлөвлөжээ.

Фестивалийн хэлбэр

Марафоныг уламжлалт замын гүйлтээс гадна DJ, тайзны үзүүлбэр, хөгжмийн хөтөлбөр болон хотын шөнийн уур амьсгалыг хослуулсан фестивалийн хэлбэрээр олон улсын чиг хандлагыг Улаанбаатар хотын онцлогтой хослуулан зохион байгуулна.

Тус фестиваль зөвхөн гүйлтийн тэмцээнээр хязгаарлагдахгүй хотын шөнийн соёл, хөгжим, спорт, оролцогчдын нэгдсэн туршлагыг бий болгоход чиглэнэ.