Ширээний теннис: Монголын эрэгтэйчүүдийн баг Йеменийг 3:1-ээр хожиж шөвгийн 16-д шалгарлаа

Айчи Нагоя 2026 Азийн наадмын ширээний теннисний эрэгтэйчүүдийн багийн төрөлд Монголын шигшээ баг Йемений багийг 3:1-ээр хожлоо. Энэ төрөлд нийт 23 улсын баг өрсөлдөж байгаа бөгөөд Монголын эрэгтэйчүүдийн баг БНСУ, Йемений хамт "D" хэсэгт багтсан.

Өмнөх өдөр БНСУ-ын баг Монгол, Йеменийг тус тус 3:0-ээр хожсоноор шөвгийн наймд шалгарах эрхээ авсан бол өнөөдөр Монгол, Йемений баг учраа таарлаа.

Эхний тоглолтод М.Тэмүүлэн Йемений Ибрахим Губранд 1:3-аар дийлдсэн ч гурав дахь тоглолтод Магд Алдхубхамыг 3:1-ээр ялав. Улмаар А.Билгүүн, Б.Энхтамирбаясгалан нар өрсөлдөгчөө оноогоор илүүрхсэнээр Монголын баг 3:1-ээр ялалт байгууллаа.

Чансаагаар хэсгээ тэргүүлсэн дөрвөн баг шууд шөвгийн наймд өрсөлдөх эрхээ авсан бол үлдсэн дөрвөн эрхийн төлөө 10 баг өрсөлдөх юм.