Шадар сайд: малын хорогдлыг татвар төлөгчдийн мөнгөөр барагдуулж болохгүй

Шадар сайд Н.Номтойбаяр Засгийн газрын хуралдааны шийдвэрийг танилцуулах үеэрээ малын өвчний вакцин худалдан авах, нөхөн олговор олгох асуудлаар мэдээлэл өглөө.

Шүлхийн вакцин худалдан авахад зориулсан 1.5 тэрбум төгрөгийн шийдвэрийг гаргахдаа хоёр долоо хоногийн хугацаа алдсан гэж тэрээр хэллээ.

Шийдвэр гаргахад хугацаа их алдаж байна. Шүлхийн вакцин худалдан авах 1.5 тэрбумыг шийдэх гэж хоёр долоо хоногийн хугацаа алдлаа.

Шүлхийд тохирсон вакцин дэлхийд байгаагүй бөгөөд БНХАУ-д шинэ вакцин үйлдвэрлэснийг гармагц худалдан авсан гэж Н.Номтойбаяр хэллээ. 32 хоногийн хугацаа алдсаны улмаас 4162 мал хорогдож, зах зээлийн үнэлгээг тооцож 6 тэрбум төгрөгийн нөхөн олговор олгосон байна.

Мөн годрон өвчний вакциныг 1.5 тэрбум төгрөгөөр худалдан авах шийдвэр гаргасан гэдгийг тэрээр дурдав.

Асуудлыг шийдэх арга зам болхи байгаа тул холбогдох хууль журамд өөрчлөлт оруулах шаардлагатай гэж үзэж байна. Улсын онцгой комисс суудал гарахаар очиж унтраадаг биш, урьдчилан сэргийлдэг байх хэрэгтэй гэдгийг Н.Номтойбаяр онцлов.

Ямааны годрон өвчний вакцин манайд байхгүй гээд тэрээр биокабинетийн боловсон хүчин, шаардлагатай вакцин, малыг эрүүлжүүлэхэд шаардлагатай эм үйлдвэрлэх ажилтай газар дээр нь очиж танилцах болсноо мэдэгдлээ.

Төрийн хяналт суларснаар гаднаас малын өвчин орж ирж байгаа бөгөөд малчдын хариуцлагагүй байдалтай холбоотой асуудал ч их байгааг тэрээр дурдав.

Хэдий болтол малын хорогдлыг татвар төлөгчдийн мөнгөөр барагдуулах вэ дээ.