СБД-ийн инженерийн шугам сүлжээний засварыг үе шаттай хийхээр болжээ
Сүхбаатар дүүргийн Орон сууц нийтийн аж ахуйн удирдах газар нь 121 орон сууц, 690 аж ахуйн нэгжид 48.213 км инженерийн шугам сүлжээгээр халаалт, халуун, хүйтэн ус, бохир усны үйлчилгээ үзүүлж байна. Нийт шугам сүлжээний 71.8 хувь нь 25-аас дээш жилийн насжилттай тул засвар шинэчлэл хийх шаардлага гарчээ.
Энэ талаар тус байгууллага дүүргийн удирдлагуудтай уулзаж, нөхцөл байдал, хөрөнгө оруулалтын хэрэгцээг танилцуулан ирэх оны төсөвт тусгуулахаар санал солилцсон. Уулзалтад дүүргийн Засаг дарга М.Алтангэрэл, ИТХ-ын дарга Х.Нямдагва, Орон сууц нийтийн аж ахуйн удирдах газрын дарга Э.Энхтөр зэрэг албаныхан оролцов.
Мөн дүүргийн нутаг дэвсгэрт өмчлөгч нь тодорхойгүй 58 гадна тэжээлийн кабелийн шугам илэрсэн. Тэдгээрийг эзэнтэй болгох, эвдрэл гарвал шуурхай хариуцлага хүлээхээр тохиролцсон. Түүнчлэн зураг төсөв боловсруулсан ажлуудын хөрөнгийг дүүргийн төсөвт тусган, оршин суугчдын дулаан хангамжийг найдвартай хангахаар талууд хамтран ажиллахаар болжээ.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
