Санзайн автозамаас Майхан толгой хүртэлх 0.9 км замын эхний хэсэг 11 дүгээр сард ашиглалтад орно
Сүхбаатар дүүргийн 19 дүгээр хороонд Санзайн автозамаас Майхан толгой хүртэлх 0.9 км авто замын бүтээн байгуулалтын ажил үргэлжилж байна. Нийслэлийн Засаг дарга бөгөөд Улаанбаатар хотын Захирагч Б.Пүрэвдагва төслийн талбайд ажилласан байна.
Тус чиглэлд хоёр эгнээтэй, хоёр талдаа явган хүний замтай хатуу хучилттай авто зам барьж байгаа бөгөөд гүйцэтгэгчээр «Улаанбаатар зам засвар арчлалтын газар» ОНӨААТҮГ ажиллаж байна. Зам ашиглалтад орсноор уг хэсгийн авто замын хүртээмж сайжирч, явган зорчигчийн аюулгүй байдал хангагдаж, тоосжилт буурах юм. Замын эхний хэсгийг 11 дүгээр сард ашиглалтад оруулна.
«Шинэ үеийн Улаанбаатар» бодлогын хүрээнд замын зураг төсөл, төлөвлөлтөд онцгой ач холбогдол өгч, ус зайлуулах хоолой, явган болон дугуйн зам, замын тэмдэг, тэмдэглэгээ, гарц, орц, гэрэлтүүлгийг бүрэн шийдвэрлэж ажлыг гүйцэтгэх ёстойг Б.Пүрэвдагва онцолсон байна.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
