Сангийн сайд З.Мэндсайхан НҮБ-ын ХАА-г хөгжүүлэх сангийн төлөөллийг хүлээн авч уулзлаа

Сангийн сайд З.Мэндсайхан 2026 оны 10 дугаар сарын 7-нд НҮБ-ын Хөдөө аж ахуйг хөгжүүлэх олон улсын сангийн Монгол Улсыг хариуцсан захирал Ний Куайе-Кумаг хүлээн авч уулзсан байна.

Уулзалтад талууд малчин өрхийн амьжиргааг сайжруулах чиглэлээр санал солилцжээ. Сайд З.Мэндсайхан Монгол Улсын эдийн засаг уул уурхайн салбараас хамааралтай ч хөдөө аж ахуйн салбарыг хөгжүүлэх, эдийн засгийг төрөлжүүлэх бодлого барьж буйг онцолсон.

Тэрээр Улсын Их Хурлаас баталсан "Хүнсний хувьсгал", "Цагаан алт" зэрэг үндэсний хөтөлбөр амжилттай хэрэгжиж, үр өгөөжөө өгч буйг танилцуулжээ. Хүнсний хувьсгал хөтөлбөрийг хүнсний дотоодын үйлдвэрлэл, нийлүүлэлтийг нэмэгдүүлэх үндэсний бодлого болгон хэрэгжүүлсэн нь бодит үр дүнгээ өгсөн гэлээ. Мөн "Цагаан алт" хөтөлбөрийн хүрээнд ноос, ноолуур, арьс шир зэрэг малын гаралтай түүхий эдийг дотооддоо боловсруулах, эцсийн бүтээгдэхүүн үйлдвэрлэх, үйлдвэрлэлийн хүчин чадлыг сайжруулах чиглэлээр ажиллаж байгааг дурдсан байна.

НҮБ-ын ХАА-г хөдөө аж ахуйг хөгжүүлэх олон улсын сангийн төлөөлөл

НҮБ-ын Цөлжилттэй тэмцэх конвенцын Талуудын 17 дугаар бага хурлыг Монгол Улс амжилттай зохион байгуулсан төдийгүй, чухал ач холбогдолтой болсныг онцлов. — Ний Куайе-Кума

Тус байгууллага 30-аад жил олон төсөл, хөтөлбөрийг Монгол Улсад амжилттай хэрэгжүүлсэн талаараа танилцуулж, цаашид хамтран ажиллах хүсэлтэй байгаагаа илэрхийлжээ.