С.Амарсайхан: Тусгай хяналтын дэд хороог яаралтай байгуулах хэрэгтэй

УИХ-ын гишүүн С.Амарсайханаас тодруулахад, Эпштейний сонсгол нь нас барсан хүний хэргийг шүүж байгаа явдал биш, харин Монгол Улсын үндэсний аюулгүй байдалтай холбоотой асуудал гэж үзэж байна.

Түүний хэлснээр, уг асуудлын цаана хүүхдийн эрх яригдаж байгаа тул эцэслэн шийдвэрлэх нь зөв аж.

Хүүхдийн эрхийн байгууллагууд мэдээллээ бүрэн өгч чадахгүй байна. Үнэхээр тэр хүүхдүүд эрүүл саруул байгаа юм бол тодорхой мэдээллүүдийг өгөх хэрэгтэй.

Хууль сахиулах байгууллагын тусгай хяналтын дэд хороо байгуулах шийдвэр тавдугаар сарын 1-нээс хэрэгжих байсан ч УИХ-ын чуулганаар хоёр долоо хоног дамнан хойшилж байна.

Нэг өдөр ч болов хойшлуулж, хууль бус үйлдлээ нуух ажлыг хийлгэж байгаа. Тийм учраас дэд хороог яаралтай байгуулах хэрэгтэй.

Тэрбээр гишүүдээс гарын үсэг цуглуулаад түр хороог байгуулахаар УИХ-д өргөн барихад бэлэн болж байгаа бөгөөд ингэснээр хуулийн байгууллагын бугшсан асуудлыг илрүүлнэ гэж мэдэгдэв.