С.Амарсайхан: Молор-Эрдэнийн үйлдлийг зүгээр хараад суухгүй

Философич С.Молор-Эрдэнийг Эрүүгийн хуулийн 19.9 дүгээр зүйлд зааснаар үндэсний эв нэгдлийг бусниулах хэрэгт холбогдуулан нэг сарын хугацаагаар цагдан хорьсон.

Энэ талаар Хууль зүй, дотоод хэргийн сайд С.Амарсайхан мэдээлэл хийв. Тэрбээр улс орны аюулгүй байдал, язгуур эрх ашигтай холбоотой асуудал гарвал учир шалтгааныг тогтоолгох үүрэгтэй гэдгийг дурдаад, хэрхэн шалгах нь хууль хяналтын байгууллагын асуудал гэв.

Сайд хэлэхдээ, Монгол хүмүүсийг хооронд нь хэл талцуулж, нийгмийг хуваах үйлдэл даамжран гэр бүлийн үнэт зүйл, төр, улс үндэстний түүх, итгэл үнэмшил рүү чиглэсэн гэж үзэж байна. Философичийн яриаг цаашид зүгээр харахгүй гэдгээ илэрхийлж, хэргийг хуулийн хүрээнд шалгуулж, дүгнэлт хийлгэхээр холбогдох байгууллагад чиглэл өгснийг тодотгов. Цагдан хорих асуудлыг прокурорын хяналт, шүүхийн шийдвэрээр шийдвэрлэдэг гэж тэрбээр нэмж хэлэв.