PISA-2025 үнэлгээний дүнг энэ сарын 8-нд танилцуулна

Эдийн Засгийн Хамтын Ажиллагаа, Хөгжлийн Байгууллагаас гурван жил тутамд зохион байгуулдаг PISA үнэлгээнд манай улс анх удаа 2022 онд хамрагдсан. Уг үнэлгээ нь 15 настай сурагчдын унших чадвар, математик, байгалийн ухааны чиглэлээр мэдлэг, ур чадварыг үнэлдэг юм. Тухайн үед монгол сурагчдын уншаад ойлгох чадвар тааруу байсан тул Боловсролын яамнаас дээд эрэмбийн мэдлэг олгох чиглэлд ажиллахаа мэдэгдэж байв.

2025 оны 3-5 дугаар сард 15 настай монгол сурагчид дахин үнэлүүлсэн бөгөөд үр дүнг энэ сарын 8-нд Улаанбаатарын цагаар 15:30 цагт танилцуулах юм. PISA-2025 үнэлгээнд дэлхийн 91 улс, орон оролцсон нь тус үнэлгээний түүхэнд хамгийн өргөн хүрээг хамарсан цикл болсон. Мөн тооцоололд суурилсан асуудал шийдвэрлэх чадвар, сурагчдын хиймэл оюуны хэрэглээ зэрэг шинэ үзүүлэлтүүдийг нэмж оруулснаараа онцлогтой аж.