Оюутолгойн ногдол ашгийн зарцуулалтын санал асуулга эхэлж, Р.Сэддорж байр сууриа илэрхийлэв

Оюутолгойн ногдол ашгийг юунд зарцуулах талаар санал асуулга өнөөдрөөс эхэлсэн. Энэ асуудлаар УИХ-ын гишүүн Р.Сэддоржоос тодруулахад тэрээр хоёр талтай гэж хариулсан.

Оюутолгойн ногдол ашгийг тодорхой зорилготой зарцуулахаар ЗГ төлөвлөсөн байгаа нь буруу зүйл биш. Олон жил сараар судалж ингэж нэг үзье гэсэн бодлогыг нь буруу гэж хэлэх эрхгүй.

Мөн иргэдэд бэлэн мөнгө хэрэгтэй байгааг дурдаад, маргааш төсвийн тодотголыг баталчихвал 11-р сарын 1-ээс суурь тэтгэврийг 1-1.5 сая болгож, багш, эмч нарын цалинг тодорхой хувиар нэмэхээр төлөвлөж байгааг онцолсон.

Түүнчлэн Оюутолгой гүний ус хэрэглэдэг тул гадаргын ус хэрэглэдэг болгох төслийг санхүүжүүлэхгүй бол говийн байгаль бүрэн цөлжих аюултай гэж мэдэгдсэн.