Оюутолгойн ногдол ашгийг хэрхэн зарцуулах талаар 14 хоногийн санал асуулга явуулна

Засгийн газрын ээлжит хуралдаан болж, хуралдаанаас гарсан шийдвэрийг Сангийн сайд З.Мэндсайхан танилцуулсан байна.

Тэрээр Оюутолгойгоос авах ногдол ашгийг хэрхэн зарцуулах талаар ард иргэдээс санал авах асуудлыг хэлэлцсэнийг мэдээлэв. Төслийн ногдол ашгийг 2037 онд авахаар байсныг Засгийн газрын хэлэлцээрийн үр дүнд Оюутолгойн менежментийн хүү, хувь нийлүүлэгч нарын зээлийн хүүг бууруулж, санхүүжилтийн бүтцийг эргэн харах хугацааг богиносгосон гэж тэрээр хэлсэн.

2027 оны төсвөө өргөн барихдаа Оюутолгойгоос орж ирэх ногдол ашгийг 3 их наяд, үүнээс 2 их наядыг нийгэм эдийн засгийн суурь тулгамдсан асуудлыг шийдвэрлэх хөрөнгө оруулалтад зарцуулах, 1 их наядыг хуримтлалын сандаа хадгалах төслийг өргөн барьсан.

Байгалийн баялаг Үндсэн хуулиараа ард түмний өмч учраас ногдол ашгийг хэрхэн зарцуулах талаар ард түмнээс асуух нь зөв гэж шийдвэрлэсэн гэж З.Мэндсайхан хэлэв.

Тиймээс 14 хоногийн хугацаатай санал асуулга явуулна.