Өвөлжилтийн бэлтгэл 83 хувьтай, маргааш айл өрхүүд халаалттай болно
Нийслэлийн Иргэдийн Төлөөлөгчдийн Хурал (НИТХ)-ын ээлжит бус XIV хуралдаан өнөөдөр болж байна. Хуралдаанаар хаврын хэрэглээний мах нөөцлөх ажил болон өвөлжилтийн бэлтгэлийн явцыг хэлэлцэж байна.
Мах бэлтгэлийн тендер
НИТХ-ын төлөөлөгч Ч.Мэндбаяр мах бэлтгэлийн тендерийн талаар мэдээлэл өглөө. Нийслэлийн Хөдөө аж ахуйн байгууллагаас зарласан тендерт 21 аж ахуйн нэгж оролцсоноос 19 нь тэнцсэн байна. Таван аж ахуйн нэгжийн зээл гарч, 3,000 тонн мах бэлтгэх зөвшөөрөл олгогдсон. Үлдсэн аж ахуйн нэгжүүдийн зөвшөөрөл үе шаттайгаар гарах аж.
"10-11 дүгээр сард нөөцийн мах бэлтгэл дуусах болов уу" гэж Ч.Мэндбаяр хэллээ.
Халаалт маргаашаас
Нийслэлийн өвөлжилтийн бэлтгэл 83 хувьтай үргэлжилж байна. Өнөөдрөөс ус дулаан дамжуулах төвүүд дүүргэлтээ хийж эхэлснээр маргаашаас айл өрхүүдийн халаалтыг өгч эхлэх юм. Аравдугаар сарын 1-нд аж ахуйн нэгжүүдийн халаалтыг өгнө гэж Ч.Мэндбаяр мэдээлэв.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
