Орон сууцны залиланг таслан зогсоох мэдээллийн санг байгуулна

Засгийн газрын ээлжит хуралдаанаас гарсан шийдвэрийг Хууль зүй, дотоод хэргийн сайд Г.Тэмүүлэн танилцуулав.

Тэрээр олон мянган иргэдийн эрх ашиг хөндөгдсөн асуудал үүссэнийг дурдаад, улсын хэмжээнд захиалгын гэрээгээр баригдаж дуусаагүй 2173 орон сууц байгааг мэдээлэв. Мөн давхардуулан гэрээ байгуулах, иргэдийн эрх ашгийг хөндсөн асуудлууд байгааг онцлов.

Цагдаагийн байгууллагад шалгагдаж байгаа 173 хэрэг байгаа. 2200 гаруй иргэний 173 тэрбум төгрөгийн хэрэг байна.

Эдгээр хэргийг эхнээс нь шалгаж, шийдвэрлэж байгаа тул орон сууцны залиланг таслан зогсоож, иргэдийн эрх ашгийг хамгаалах шаардлагатайг сайд онцлов.

Түүнчлэн баригдаж байгаа барилгуудын мэдээллийг нэгтгэсэн мэдээллийн сан бий болгож, түүнийг ард иргэдэд нээлттэй тавьж, хянах эрхийг нь нээж өгөх асуудлыг Засгийн газрын хуралдаанаар оруулсан гэв.