Өрхийн хэрэглээ 4.9 хувиар буурч, бодлогын хүү нэмэх орон зай бага байна
Монголбанкны мөнгөний бодлогын хорооны шийдвэрийг танилцуулах хэвлэлийн хурал өнөөдөр болж, бодлогын хүүтэй холбоотой сэтгүүлчийн асуултад Монголбанкны ерөнхийлөгч С.Наранцогт хариулт өглөө.
Тэрбээр "Бодлогын хүү таазанд тулсан уу гэж асууж байна. Одоогийн нөхцөл байдал өнгөрсөн жилийн нөхцөл байдлаас нэлээд өөр. Эхний хагас жилд эдийн засгийн өсөлт 7.7 хувьтай гарсан" гэж хэлэв.
Мөн "Өмнө нь хэлсэнчлэн уул уурхай, уул уурхайг дагасан тээврийн салбар дээрх өсөлтийг татаж байна. Тодруулбал эдийн засаг 2026 оны эхний хагаст 7.7 хувиар өссөн боловч өсөлт голчлон уул уурхай, тээврийн салбарт төвлөрч байна" гэв.
Бусад салбарын хувьд өсөлт тун хязгаарлагдмал буюу худалдааны салбар улирал дараалан бууралттай явж байна. Мөн өрхийн хэрэглээ 4.9 хувиар буурч байна.
С.Наранцогт "Тэгэхээр бодлогын хүүг нэмэх нь ААН-д нөлөө үзүүлнэ гэж үзэж байгаа учраас нэмэгдүүлэх орон зай одоохондоо бага байна" гэж мэдэгдэв.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
