Онон-Балжийн цогцолборт газрын орчинд 42 баавгай бүртгэгдэв
Онон-Балжийн байгалийн цогцолборт газар /ОББЦГ/ болон түүний орчны бүсэд 2026 оны наймдугаар сарын 31-нээс өнөөдрийг хүртэлх хугацаанд нийт 42 баавгай бүртгэгдсэн талаар мэдээлэв.
ОББЦГ нь Хэнтий аймгийн Дадал, Биндэр, Норовлин, Баян-Адрага, Дорнод аймгийн Баян-Уул сумдын нутгийг дамнан орших 415752 га талбайг эзэлдэг.
Орчны бүсийн Дорнод аймгийн Баян-Уул сумаас хамгаалалтын захиргаанд хүргэгдэн ирсэн 2 бамбарууш, Хэнтий аймгийн Норовлин сумаас ирсэн 1 бамбаруушийг 7 хоног тэжээн тэнхрүүлэн 2026 оны есдүгээр сарын 15-ны өдөр байгальд нь буцаан тавьсан байна.
Энэхүү ажлыг Хэнтий аймгийн Дадал сумын Засаг даргын захирамжаар байгуулагдсан "Шуурхай баг"-тай хамтран аюулгүй, амжилттай гүйцэтгэсэн байна. Байгаль орчин, уур амьсгалын өөрчлөлтийн яамнаас баавгай орж ирээд буй аймгуудад хариу арга хэмжээ авах 24 цагийн шуурхай албыг ажиллуулах албан даалгаврыг хүргүүлээд байгаа юм.
Иргэд баавгайтай бүс нутгаар зорчихдоо сонор сэрэмжтэй байж, өөрсдийн аюулгүй байдлыг сайтар хангахыг анхаарууллаа.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
