Нийтийн байранд 29, 52 настай хоёр эрэгтэйг зодож амь насыг нь хохиойжээ

Өчигдөр буюу 2026 оны 9 дүгээр сарын 30-ны өдрийн 14 цаг 21 минутад цагдаагийн байгууллагад нийтийн байранд хүн нас барсан тухай дуудлага, мэдээлэл иржээ.

Шалгалтын ажиллагааны үеэр 29-52 насны этгээдүүд хамт архидан согтуурч байгаад 29 настай эрэгтэй “Ж”, 52 настай эрэгтэй “С”-г зодож амь насыг нь хохиойсон бөгөөд хэргийн газраас зугтсан байна.

Чингэлтэй дүүргийн цагдаагийн газрын Нэгдүгээр хэлтсийн жижүүрийн бүрэлдэхүүн шуурхай эрэн сурвалжлах ажиллагаа явуулж, сэжигтэй этгээдийг олж тогтоон саатуулан шалгалтын ажиллагааг үргэлжлүүлж байна.

Цагдаагийн байгууллагад энэ оны эхний 8 сарын байдлаар Эрүүгийн хуулийн 10.1 “Хүнийг алах” гэмт хэрэг 139 бүртгэгдсэн байна.

Согтууруулах ундаа нь өөрийгөө хянах чадварыг удирддаг хэсгийн үйл ажиллагааг дарангуйлдаг. Согтууруулах ундааг хэтрүүлэн хэрэглэснээс болж бусадтай маргалдах, бусдын биед халдах, танхайрах, цаашлаад амь насанд эрсдэл учруулах тохиолдол бий. Архи, согтууруулах ундааны зүйлийг тохируулан хэрэглэж, бие биедээ хүндэтгэлтэй хандан болзошгүй эрсдэлээс урьдчилан сэргийлэхийг цагдаагийн байгууллага анхааруулж байна.