Наймдугаар сард инфляц 12.5 хувьтай гарч, гол нөлөөг хүнсний үнэ өгчээ

2026 оны наймдугаар сард улсын хэмжээнд хэрэглээний бараа, үйлчилгээний үнэ өмнөх оны мөн үеэс 12.5 хувь, өмнөх сараас 1.1 хувь өссөн байна.

Инфляцын түвшин 12.5 хувь гарсны 46.9 хувь буюу 5.8 нэгж хувь нь хүнсний бараа, ундаа, усны бүлэг, 13.3 хувь буюу 1.7 нэгж хувь нь тээврийн бүлэг, 9.2 хувь буюу 1.2 нэгж хувь нь боловсролын үйлчилгээний бүлэг, 7.6 хувь буюу 0.9 нэгж хувь нь хувцас, бөс бараа, гутлын бүлгийн үнийн өсөлтөөс шалтгаалсан гэж Үндэсний статистикийн хороо мэдээлэв.

Мөн улсын инфляцад бензин, түлшнээс бусад импортын барааны үнэ 16 хувь буюу 2 нэгж хувь, мах, хатуу түлшнээс бусад дотоодын барааны үнэ 35 хувь буюу 4.4 нэгж хувь нөлөөлсөн байна.