Н.Номтойбаяр: Засгийн газар өмнөх засгийн "баас"-ыг цэвэрлэж байна

УИХ-ын гишүүн Н.Номтойбаяр мөнгөний эх үүсвэрийг баталгаажуулаагүй улсын төсвийг баталсны улмаас төсвийн тодотгол хийж байгааг дурдаад, тухайн үед шүүмжлэлтэй хандсан гишүүдийн нэг байснаа онцлов. "Манай засгийн газар баасыг нь цэвэрлэнэ гэдэг шиг энэ ажлыг үргэлжлүүлж байна" гэж тэрээр хэллээ.

Тэрээр улс төрийн 18 жил МАН-тай салшгүй холбоотой байсан бөгөөд гурван удаа ардын намаас хөөгдсөн гэдгээ дурдав. Гэхдээ буцаад намдаа орох гэж намын байрны гадаа очоогүй гэлээ. 2024 оны сонгуулиас хойш эрх бүхий албан тушаалтнуудтай намдаа буцаж орох талаар яриа өрнөж байгааг хэлээд, албан ёсоор санал тавьбал эргэж харна гэв.

Ерөнхий сайд Н.Учрал 3.5 тэрбумыг өөрийн сургуульдаа авах гэж захиалах хүн биш.

Өргөдлийн байнгын хороонд очсон баримт бол ажлын хэсгийн тооцоо судалгаа байсан тул УИХ-ын гишүүд энэ талаар тодруулах нь зөв гэж үзэв. Мөн Л.Энх-Амгалан сайдын өнөөдрийн үг арай л буруу байсан бөгөөд бусдыгаа эвгүй байдалд оруулсан ийм үйлдэл гаргаж болохгүй гэж хэлэв. "Их засаг кинг" сургууль хүсэлт гаргаагүй байхад яагаад өгнө гэж төлөвлөсөн юм гэж асуув.

50 тэрбум битгий хэл 500 төгрөгийг ч хянадаг шүү дээ. Л.Энх-Амгалан сайд яагаад үүнийг хянаагүй вэ?

Засгийн газрын нэр хүнд сэвтэж, тэр тусмаа Ерөнхий сайдыг хардаж байгаа нь таагүй байгаа ч заавал шалгаж, буруутай эзнийг олох ёстой гэж тэрээр дүгнэлээ.