Н.Номтойбаяр: 53 тэрбум төгрөгийн асуудалд өр төлбөр, шүүх цагдаа байхгүй

Шадар сайд Н.Номтойбаяр 53 тэрбум төгрөгт нэр холбогдсон гэх асуудлаар тайлбар хийлээ.

Тэрээр энэ талаар ярихдаа зохион байгуулалттай дайралтууд гарч байгааг дурдав. Шүүхийн шийдвэрийн А.Намсаманд хэд хоногийн өмнө мэдээлэл тавьсан гэж тэрээр хэллээ.

Гадаадын компанитай төлбөр тооцооны асуудал үүссэн бөгөөд энэ нь валютын ханшны зөрөөн дээр үүдэлтэй гэв. Хоёр компанийн хэрэг олон улсын арбитрын шүүхэд явж байгаа аж.

Харин 53 тэрбум гэж байгаа нь шүүхийн шийдвэр давсан шийд гаргаж, хамаарал бүхий компанийн дансыг хаасан явдал гэж Н.Номтойбаяр тайлбарлав. Энэ нь өөрөө хууль бус гэж тэрээр үзэж байна. Тиймээс холбогдох газрууд хууль бус үйлдлээ зогсоохыг шаардсан гэв.

Тэрнээс өр төлбөрт орчихсон, төлбөрийн тооцоотой, шүүх цагдаа болоод байгаа юм байхгүй. Өнгөрсөн долоо хоногт А.Намсаманд над руу залгаад байсан. Би утсыг нь аваагүй. Шүүхийн шийдвэрийн ерөнхий газрынхан өөрсдөө хууль зөрчиж компанийн данс битүүмжилсэн. Холбогдох байгууллага нь мэдээлэл өгөх биз.