Монгол Улс НҮБ-ын Аюулгүйн Зөвлөлийн 2048-2049 оны байнгын бус гишүүний сонгуульд нэрээ дэвшүүлэв

Монгол Улс 2048-2049 оны НҮБ-ын Аюулгүйн Зөвлөлийн байнгын бус гишүүний сонгуульд нэрээ дэвшүүлж буйгаа албан ёсоор мэдэгдлээ. Уг зарлалыг Ерөнхийлөгч Ухнаагийн Хүрэлсүх НҮБ-ын 81 дүгээр чуулганы Ерөнхий Ассамблейн Ерөнхий санал шүүмжлэлд оролцох үеэрээ тавьсан юм.

Тэрбээр үг хэлэхдээ Монгол Улс НҮБ-ын Аюулгүйн Зөвлөлийн байнгын бус гишүүнээр өнөөг хүртэл ажиллаж байгаагүй 58 улсын нэг гэдгийг онцлов.

Монгол Улс нь НҮБ-ын Аюулгүйн Зөвлөлийн байнгын бус гишүүнээр ажиллаж байгаагүй 58 улсын нэг

Ерөнхийлөгч олон улсын харилцаа, уур амьсгалын өөрчлөлт, энхийг сахиулах ажиллагаа, боловсрол, эрүүл мэнд, хүнсний хангамж болон эмэгтэйчүүд, хүүхэд, далайд гарцгүй орнуудын хөгжлийн асуудлаар Монгол Улсын байр суурийг илэрхийлэв.

НҮБ-ыг бэхжүүлэх, олон улсын харилцааг олон ургалч үзлийг хүндэтгэсэн, олон тулгуурт зарчмаар хөгжүүлэх шаардлагатайг тэрээр онцолсон.

Аюулгүйн Зөвлөлийн шинэчлэлийн асуудлаар Монгол Улс байнгын болон байнгын бус гишүүдийн тоог нэмэгдүүлэх, хөгжиж буй орнуудын төлөөллийг зохих ёсоор хангах, үйл ажиллагааг илүү нээлттэй, ил тод болгох зарчмын байр суурийг баримталдаг гэдгийг Ерөнхийлөгч тайлбарлав.

Мөн тэрбээр НҮБ-ын Ерөнхий Ассамблейн 81 дүгээр чуулган Монгол Улс НҮБ-д бүрэн эрхт гишүүнээр элссэний 65 жилийн ойн босгон дээр болж буйг дурдав.