Молибдены баяжмал биржээр анх арилжигдаж, тонн үнэ 19.25%-иар өслөө
«Монголын хөрөнгийн бирж» ХК-ийн Уул уурхайн бүтээгдэхүүний 2026.09.10-ны өдрийн арилжаагаар «Эрдэнэт үйлдвэр» ТӨҮГ-ын 44 хувиас багагүй молибдены агуулгатай баяжмал 520 НМТ (468 ХМТ)-ыг 28,317.9 ам.долларын доод үнээр дуудлага арилжаанд оруулжээ.
Оролцогчдын өрсөлдөөнт захиалгын үр дүнд молибдены баяжмалын үнэ тонн тутамд 5,450 ам.доллароор өсөж, хэлцлийн үнэ 33,767.9 ам.доллар/тонн болсон байна. Нийт 15,803,377.2 ам.доллароор тухайн бүтээгдэхүүн арилжаалагдсан гэж Монголын хөрөнгийн бирж мэдээлэв.
Бирж бүтээгдэхүүний нэр төрлийг нэмэгдүүлэх чиглэлд ажиллаж, 2026 онд «Молибдены баяжмалын арилжааны гэрээний стандарт тогтоох, мөрдүүлэх журам»-ыг шинээр боловсруулан батлуулж, «Уул уурхайн бүтээгдэхүүний арилжааны журам»-д нэмэлт өөрчлөлт оруулсан нь үр дүнгээ үзүүлж эхэлсэн байна.
Холбоотой мэдээ
Туул гол дагуух 1.1 сая тонн хогийг ачиж эхэлжээ
НӨАТ-ын сугалааны тохирол аравдугаар сарын 21-нд болно
Д.Болд: Багшийн суурь цалинг төрийн албаны жишгээс өндөр тогтоох хэрэгтэй
Нийгмийн даатгалын сангийн орлого 5.6 их наяд төгрөгт хүрч, 17.2 хувиар өсжээ
Орхон аймагт 16 настай хүүхдийг дээврээс аюулгүй буулгаж, амь насыг нь аварчээ
